ဗျူဟာမြောက်ဆောင်ရွက်ရမည့် လယ်ယာစိုက်ပျိုးရေးကဏ္ဍ

မြန်မာ့ဆန်စပါးသည် နိုင်ငံ့စီးပွားရေးအတွက် အားထားရာ ပို့ကုန်ဖြစ်သကဲ့သို့ ပြည်တွင်းစားနပ်ရိက္ခာ ဖူလှုံရေးအတွက် အရေးကြီးသောထုတ်ကုန်လည်း ဖြစ်ပါသည်။ ယခုနှစ် မတ်လက ပြုလုပ်သော မြန်မာ့ဆန်စပါး ကဏ္ဍ ဖွံ့ဖြိုးရေး နှီးနှောဖလှယ် ဆွေးနွေးပွဲတွင် တိုက်တွန်းခဲ့ချက်များအနက် သိုလှောင်ရုံ တည်ဆောက်ပေးရန်နှင့် ဆက်စပ်သည့်လုပ်ငန်းများကို ဆောင်ရွက်ပေးရန်၊ အခြေခံစပါးဈေးနှုန်း သတ်မှတ်ပေးရန်၊ မြန်မာ့ဆန်စပါး ဥပဒေ ပေါ်ထွက်လာရန်စသည်တို့မှာ လွန်စွာလက်တွေ့ကျသည့် တိုက်တွန်းအကြံပြုချက်များ ဖြစ်ပါသည်။ လယ်မြေများကို သိမ်းယူခံရခြင်းသည် ပိုင်ဆိုင်မှု ဆုံးရှုံးရသည်သာမက အသက်မွေးဝမ်းကျောင်းပါ ပျောက်ဆုံးရခြင်းဖြစ်သဖြင့် တောင်သူလယ်သမားများအတွက် လွန်စွာနစ်နာစေပါသည်။ အလားတူပင် လယ်မြေ တွင် စိုက်ပျိုးခွင့်ရကာ ပေါ်ထွက် လာသည့် ဆန်စပါးစသည့် ကောက်ပဲသီးနှံများကို ဈေးကောင်းဖြင့် ရောင်းချခွင့် ရရေးသည်လည်း လွန်စွာအရေးကြီးပေရာ ဈေးကောင်းမရမချင်း သိုလှောင်ထားနိုင်ရေး သည်လည်း အလေးထား ဆောင်ရွက်ရမည့်အရာ ဖြစ်ပါသည်။ […]